Шведска блиску до потпишување договор со НАТО

Шведска се очекува наскоро да потпише договор со НАТО, кој ќе овозможи силите за брза интервенција на Алијансата да можат да дејствуваат на шведска територија во случај на криза, јави допсиникот на МИА од Гетеборг.

Договорот за т.н. поддршка на земјата домаќин претставува натамошен чекор на доближување на неутрална Шведска до членството во НАТО.

– Одлука на Владата по ова прашање може да се случи во блиска иднина, рече шведската министерка за одбрана Карин Енстром за Шведската телевизија СВТ.

По владината одлука ќе треба да се изјасни и шведскиот Парламент-Риксдаг, веројатно со широко мнозинство бидејќи партиите во заедничката парламентарна Одбранбена комисија пролетска ја поддржаа иницијативата за потпишување на споменатиот договор.

Се очекува и соседна неутрална Финска да потпише таков договор со Алијансата, а што во светлината на актуелната безбедносно-политичка криза во Украина добива големо значење.

И министерката Енстром и портпаролот за одбранбени прашања на опозиционите шведски социјалдемократи Петер Хулквист потенцираат дека НАТО не би можел да интервенира со свои сили без претходно тоа да го дозволи Шведска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.