САД не можат сами против ИСИС и ИДИЛ

САД не можат сами да се борат против групацијата „Исламска држава во Ирак и Левантот“ (ИДИЛ), чија бескпруполозност и убиствата што ги врши го шокираа цивилизарниот свет, пишува весникот „Њујорк тајмс“.

Американските воздушни напади и други видови на мерки, преземени од страна на САД во одредена мера им помогнаа на верските малцинства и на другите заедници, на кои им се заканува ИДИЛ, нагласува весникот.

– На за да биде победена ИДИЛ потребен е организиран долгорочен одговор, вклучувајќи широка коалиција од држави, меѓу кои и други муслимански земји, се наведува во редакциската статија на весникот.

„Њујорк тајмс“ истакнува дека прогонувањето на христијаните и јазидите и убиството на американскиот новинар Џејмс Фоли во целосно светло ја прикажале суровоста на ИДИЛ.

– И додека ризикот за САД и Западот е реален, оние кои ја плаќаат највисоката цена се муслиманите. Поради тоа претседателот Барак Обама беше во право кога кажа дека сите влади и народи на Блискиот Исток треба да вложат напори за отстранување на овој рак, со цел да не се прошири“, пишува весникот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.