Денеска ќе биде посвежо во однос на претходните денови. Сепак остануваме со претежно сончево време низ земјава. Повторно во крајните источни делови од земјава ќе има малку повеќе облаци во однос на другите региони, каде што постои минимална шанса за краткотраен и сосема слаб дожд.
Минималната температура ќе биде во границите од 14°С до 20°С
Дневната температура ќе биде пониска во однос на недела. Максимална температура од 29°С се очекува во северната половина на земјата, 28°С во југозападниот регион. Најтопло ќе биде на југоисток до 32°С.
Вредноста на УВ индексот ќе биде 7.
Во Скопската Котлина се очекува претежно сончево време. Минималната температура ќе се спушти до 17°С, додека максималната вредност на температурата ќе достигне 29°С.
Во охридско–преспанскиот регион се очекува претежно сончево, но посвежо време. Максималната дневна температура ќе достигне до 27°С. Дојран очекува сончево време и релативно топло време. Максималната температура ќе достигне вредност од 31°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
