Ал Каеда издаде водач за предизвикување сообраќајни несреќи

Терористичката група Ал Каеда на Арапскиот Полуостров почна со издавање списание на англиски јазик, кое содржи совети за потенцијалните екстремисти како да потпалуваат возила и да предизвикуваат сообраќајни незгоди.

Во списанието, чија електронска веризија е достапна на неколку исламистички веб-страници, меѓу остантото, се бара од Франција да се повлече од Мали и е наведена листа од 11 јавни личности што живеат на Запад и по кои се трага живи или мртви поради извршени злосторства против исламот.

Меѓу единаесеттемина по кои е распишана потерница се и авторот на „Сатанските стихови“, писателот Салман Ружди, критичарите на исламот – холандскиот политичар Герт Вилдерс и Канаѓанецот со сомалиско потекло Ајан Хирси Али, како и американскиот свештеник Тери Џонс, кој стана познат по јавното палење на Куранот.

Ал Каеда на Арапскиот Полуостров, која има упориште во Јемен, е една од најактивните разграноци на терористичката мрежа Ал Каеда.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.