Градежништвото во ЕУ не може да се опорави, во Македонија е локомотива на економијата

Градежништвото во Европската унија и натаму во негатива. Во јуни годинава споредено со истиот месец лани, градежниот сектор во ЕУ паднал за 2,3 отсто, а во еврозоната за 0,5 отсто, објави денеска европската статистичка служба ЕУРОСТАТ, пренесува Економски.

Од земјите во ЕУ најголем пад бележи Романија (13,1 отсто), Португалија (10,3 отсто), а најголем раст има Словенија (28,7 отсто).

Со мали осцилации, градежништовто во ЕУ е во постојан пад од стартот на глобалната криза во 2007 година.

Минатата недела државната статистика ја објави редовната анкета меѓу менаџерите во градежниот сектор. Според резултатите, нивните очекувања се дека вториот квартал од оваа година ќе покаже подобри бројки од претходниот.

Раководителите на фирмите од овој сектор велат дека финансиската состојба во второто трочесечје им се подобрила, имаат зголемени очекувања во однос на отворањето нови работни места, а со подобар квалитет е и механизацијата која ја користат.

Економски: Изградбата на автопатите ќе го зголеми БДП за 1 отсто на годишно ниво

Растот во градежништово, но и оптимизмот дека тој ќе продолжи, се темелат на државните инвестиции во инфраструктурата. Стартот на изградбата на автопатите обезбедија работа за домашните градежни компании.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.