Се повеќе лекари и помошен медицински персонал бегаат од болниците во Нигерија од страв од заразување со вирусот ебола.
Најмногу загрозена е болницата „Јаба Меинленд“ во Лагос, во која се изолирани голем број заразени, јавија нигериски медиуми.
Многу лекари и медицински сестри ја напуштиле болницата под притисок на своите семејства. Во Нигерија, земја со најмногубројно население во Африка, досега се потврдени 11 случаи на заразување со ебола, а вчера беше соопштено дека вирусот однел нова жртва – млада медицинска сестра. Таа била во контакт со консултант на владата на Либерија, кој пристигнал во јули во Лагос и паднал во бессознание на аеродромот.
Со тоа жртвите на ебола во Нигерија достигнаа четири лица. Ситуацијата се усложнува и од штрајкот на лекарите, што трае веќе над седум недели. Во моментот малиот број болнички персонал работи деноноќно, обидувајќи се да ги спаси животите на пациентите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
