„Она што трезен го мисли, пијан го кажува“, ова го докажаа научниците од Универзитетот во Мисури откако резултатите од нивната студија научно потврдија дека луѓето под влијание на алкохол се поискрени и оти поретко се повлекуваат поради страв од последиците од своите постапки.
Испитувале 67 лица, поделени во две групи. Едната група пиела вотка и тоник, а другата безалкохолен пијалак. Потоа добиле задача да препознаат одредени карактеристики на лицата на фотографии кои им биле покажани.
Забележано е дека оние што не консумирале алкохол, откако ќе направеле грешка тие повеќе размислуваат за следниот пат да не ја повторат грешката.
Групата која консумирала алкохол воопшто не се возбудувала поради грешката и продолжувала да одговара со иста брзина како и претходно. Биле свесни дека згрешиле, но едноставно не им било грижа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
