Премиера на филмот за Стив Џобс во април

Филмот што се снимаше во текот на изминатата година за животот на основачот на најпознатата компанија „ Епл“ премиерно ќе излезе во април. Во главната улога е актерот Ештон Качер, кој многу наликува на Стив Џобс. Режијата е  на Џошуа Мајкл Стерн, а ќе биде прикажан во рамките на филмскиот фестивал „Санденс“.

На овие две фотографии се гледа дека Ештон претрпел неверојатна трансформација и многу наликува на основачот на „Епл“. Екипата што работела на филмот изјавила дека Качер феноменално ја одиграл својата улога и буквално ги прифатил сите карактеристики на Џобс. Начинот на седење, начинот на држење на рамената, одењето и секако физичкиот изглед, како фризурата и облекувањето.

Филмот со наслов „Џобс“ разработува поголем период од животот на Џобс од околу 30 години и својата премиера ќе ја има на затворањето на фестивалот „Санденс“ на 27 јануари.

Интересно е дека истовремено се подготвува уште еден филм за Џобс од страна на „Сони ентертејмент“ (Sony Entertainment), кој ги откупи правата за преработка на официјалната биографија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.