Првичните резултати од истрагата за причините на несреќата со малезискиот патнички авион во украинската област Донецк ќе бидат готови следната недела – изјави денеска малезискиот министер за транспорт, Лиу Тионг Лај.
– Сите првични информации ќе бидат готови следната недела и се надевам ќе можеме да ги објавиме – истакна Лај.
Тој нагласи дека под раководство на холандски експерти веќе се одржала средба во врска со првите резултати од истрагата.
– Собирањето информации на местото на несреќата ќе продолжи, но најважното што ќе овозможи да се утврди како се случил инцидентот, е информацијата од црните кутии – додаде министерот.
Претходно, малезискиот министер за внатрешни работи, Ахмад Захид Хамиди, изјави дека меѓународните експерти успеале да ги соберат повеќе од половината материјални докази.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
