Поранешниот фудбалер на Динамо Минск и Динамо Киев Валентин Белкевич почина вчера ненадејно на 41-годишна возраст.
Играчот за врска кој важи за легенда на белорускиот и украинскиот фудбал вчера ненадејно почина како последица на тромбоза.
Белкевич е вистинска легенда на Динамо Минск, но уште повеќе на Динамо Киев. Дресот на украинскиот тим го носеше на 317 натпревари и постигнал 70 голови, откако на овој тим му се приклучи од Динамо Минск во 1996-та година.
Тој на тимот од Киев му помогна да освои седум шампионски титули и шест куп пехари.
За селекцијата на Белорусија Белкевич одигра 56 натпревари и постигнал 10 голови. По завршувањето на кариерата работеше како тренер на младинскиот тим на Динамо.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
