Јавното сообраќајно претпријатие- Скопје, во пресрет на проектот на Владата на Република Македонија за подобрување на состојбата на децата без родители и родителска грижа, од 1 август годинава ќе ја намали цената за 50 отсто на месечениот билет за јавен превоз во Градот Скопје, како и на билетот за превоз на жичницата на Водно за полнолетните лица, не постари од 27 години, без родители и родителска грижа, информираат од Град Скопје.

Од Градот, исто така информираат дека децата до 18 години без родители и родителска грижа ќе можат бесплатно да ги користат услугите на ЈСП- Скопје.

Сите заинтересирани треба да ги приложат следниве документи за купување месечен билет:

1.  Барање за издавање месечен претплатен билет (Образец бр.2-3 ЈСП/ www.jsp.com.mk);

2.  Една  фотографија, во прилог на Барањето ;

3.  Потврда, издадена и заверена од соодветната ЈУ Меѓуопштински центар за социјална работа или од домовите каде што биле згрижени;

4.  Лична карта на барателот.

Потребни документи  за купување  билет за жичницата:

1.  Потврда  издадена и заверена од соодветната ЈУ Меѓуопштински центар за социјална  работа или од домовите каде што биле згрижени;

2.  Лична карта на барателот или со приложување на месечниот билет за јавен превоз.

Сите заинтересирани, потребните документи треба да ги поднесат во продажното место на ЈСП- Скопје во Автокоманда на булеварот „Александар Македонски“ бр.10 каде што ќе можат и да го подигнат билетот.