Музички медиуми, повторно го одбраа „Егзит“ во редот на најдобрите светски музички фестивали. Престижниот американски магазин „Вајб“ го издвои ЕГЗИТ и Денс Арената (Dance Arena) како една од трите најдобри летни фестивалски дестинации за сите љубители на електронската музика и тоа рамо до рамо со легендраните фестивали „Амстердам Денс Ивент“ (Amsterdam Dance Event) и „Тумороуленд“ (Tomorrowland).
-Во далечната Србија, внатре во спектакуларните ѕидини на Петроварадинската тврдина, се одигруваат најпопуларните журки на светот. Денс Арена е остварување на најлудите сништа на сите оние кои живеат за добрата забава, велат во Вајб.
И реномираниот американски портал Битпорт го вклучи ЕГЗИТ во 20-те најдобри европски фестивали оваа година, наведувајќи дека се очекува „ЕГЗИТ 2013, со дополнителниот петти ден, да биде најдоброто фестивалско издание досега“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
