САД објавија сателитски снимки, за кои тврдат дека претставуваат нов доказ оти Русија ги снабдува со оружје проруските сепаратисти во Украина, јави ДПА.
– Снимките, направени со сателитски камери, покажуваат и дека Русија од својата страна на границата стрелала со артилериски оружја врз украинските воени единици. Снимките се направени меѓу средата и саботата, соопшти синоќа Белата куќа.
Според САД, фотографиите покажуваат траги од оган на местата од каде биле истрелани проектилите и кратери на локациите на кои тие паднале.
Москва досега ги отфрлаше сите западни обвинувања дека ги снадува сепаратисите во Украина со оружје и опрема и дека стрела врз украинските сили. Руското Министерство за надворешни работи во текот на викендов дури го обвини Вашингтон дека води „континуирана кампања за оцрнување на Русија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
