Се подготвува ребаланс на Буџетот!

Владата подготвува ребаланс на Буџетот, дознава МРТ. Ребалансот на Буџетот во ова време од годината е вообичаена практика.

Се прават финалните пресметки каде и колку ќе се крати.

Вицепремиерот и министер за финансии, Зоран Ставрески, неодамна најави дека кон средината на оваа година ќе се процени дали има потреба од ребаланс на Буџетот и доколку има ќе се види колкава е и колкав ребаланс би се направил.

Министерот Ставрески изјави дека потрошениот буџетски дефицит е резултат на сезонски фактори, односно исплаќањето на субвенции и капитални расходи за инфраструктурни проекти како автопатиштата, а другите расходи се во рамки на планираните вредности.

Се очекува ребалансот набргу да биде усвоен од Владата на Република Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.