Повторно двојно убиство и самоубиство во Албанија

Албанската јавност повторно е згрозена од криминал во семејство, јави дописникот на МИА од Тирана.

Доцна синоќа во куќа во близина на селото Бобоштица, кај Корча, се случи двојно убиство и самоубиство. Потврдено е дека Едмонд Фиќи (50) со 15 истрели од автоматска пушка ги усмртил сопругата Албина (40) и едногодишниот син, додека спиеле, по што пред влезната врата на куќата си пресудил.

Според досегашната истрага, причина за трагедијата било татковското на детето. Имено, Едмонд, кој четири години живеел и работел во Грција и воошто не дошол дома, деновиве се вратил и сопругата ја затекол со дете, по што почнале меѓусебните расправии, кои завршиле со масакрот извршен синоќа.

Едмонд ќе биде погребан во родното место, а неговат сопруга и детето во Драч, од каде што била Албина.

Во вторникот во селото Сук кај Фиер седумдесет и тригодишниот Бајрам Врапи со ловечка пушка ги усмрти неговите двајца браќа Џемаил (69) и Бесим (60) сопругата и ќерката на Бесим, Дрита (43) и Мируше Врапи (17), а потоа се самоубил бидејќи не се согласувал со избраникот на внуката, која требало да се сврши трагичниот ден.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.