Дел од трупот на малезискиот авион и уште човечки трупови беа откриени во шумска месност во реонот на несреќата во источна Украина, денеска соопштуваат австралиските медиуми, цитирани од ДПА.
– Вчера најдовме човечки останки, а денеска уште, за весникот „Сиднеј морнинг хералд“ изјави порпаролот на специјалната мисија од набљудувачи на Организацијата за безбедност и соработка во Европа (ОБСЕ) Мајкл Бочуркив.
Бочуркив го посети реонот на несреќата во Доњецк заедно со експертите од Холандија, Малезија и Австралија.
За австралиската екипа ова беше прва посета на местото на несреќата. Во малезискиот авион имаше 37 Австралијци.
– Најзначајниот пронајдок денеска беше огромниот дел од корпусот на авионот, што беше паднат во густа шума, изјави Бочуркив за телевизијата Еј-Би-Си. Тој забележа дека експертите случајно го пронашле делот од трупот на авионот затоа што „немаше никакви знаци, никакви искршени делови, ништо што ќе покаже дека делот паднал таму“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
