По уривањето на малезискиот авион во источниот дел на Украина, бунтовниците ги користеле мобилните телефони и кредитните картички на настраданите патници, а исто така им ги краделе и личните работи, меѓу кои и накитот, пишува „Дејли меил“.
Реине Далзеир, сопруга на пилотот од Јужна Африка, Камерон, кој загина во авионската несреќа, била принудена да ги откаже неговите картички затоа што биле користени и по трагедијата.
Таа била згрозена кога видела активност на неговата картичка во Украина.
Во очајна состојба биле и роднините на оние на чии мобилни се јавувале странци со источноевропски акцент. По почетниот шок, ги контактирале телефонските компании за да ги исклучат броевите.
Во меѓувреме, се појавила фотографија како доказ за кражбите, на која бунтовник краде прстен од раката на жртва. Како што пишува британски „Дејли меил“, се појавиле и докази дека бунтовниците наводно планирале да ја саботираат истрагата со контаминација на местото на несреќата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
