Овој пат очекувам голем напредок на средбите со државниот врв во Скопје и во Атина наредната недела…, изјави за програмата „Гласот на народот“ посредникот на ОН во разговорите за спорот за името, амбасадорот Метју Нимиц.
– Ќе поминам две деноноќија во Скопје и во Атина со државниот врв на двете земји, на кој се надевам на заемно прифатливо решение за спорот околу името, потенцира Нимиц.
Медијаторото очекува добра соработка со новонаименованиот преговарач за името од македонака страна амбасадорот Васко Наумовски како што имаше и со неговиот претходник Зоран Јолевски.
– Му посакувам се најубаво на господинот Јолевски на новата функција и очекувам плодна соработка со амбасадорот Васко Наумовски како нов преставник во преговорите од македонска страна, изјави посредникот во разговорите за спорот за името Метју Нимиц за програмата „Гласот на народот“.
Ними, како што најави прес службата на ОН, на 28 и 29 јули ќе престојува во Скопје, а потоа ќе замине на средби во Атина на 30 и 31 јули.
– Целта на средбите е да се интезивираат разговорите под покровителсто на ОН насочени кон изнаоѓање на заемно прифатливо решение за спорот за името, пишува во соопштението на ОН.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
