Холандските форензичари им рекле на вооружените проруски сили кои го чуваат возот полн со тела на загинатите патници од малезискиот авион, дека тој мора да тргне за неколку часа. Експертите на холандскиот национален форензичарски тим кој е специјализиран за откривање и идентификација на жртвите, барале вагоните, кои се паркирани во близина на градот Торез на истокот на Украина, да бидат запечатени, пренесува АП.
Репортерите на американската агенција од лице место известиле дека мирисот на телата кои се распаѓаат е несносен.
Меѓународните истражители и понатаму имаат ограничен пристап на местото на нсереќата, која се наоѓа на територијата под контрола на проруските сили.
Во меѓувреме холандските експерти се упатија на местото на несреќата, 15 километри подалеку од местото каде што се наоѓа возот со телата, во придружба на набљудувачите на Организацијата за европска безбедност и соработка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
