Владата во Киев ги обвинува проруските сили за уништување докази

Владата во Киев ги обвини денеска проруските сили во источна Украина дека се обидуваат да ги уништат доказите на местото на падот на малезискиот авион, како и за носење на 38 тела од местото.

– Владата на Украина официјално тврди дека терористи, со помош на Русија, се обидуваат да ги уништат доказите на меѓународните злосторства, наведено е во денешното соопштение на украинската Влада.

Украинските и проруските сили, инаку, се согласија на формирање безбедна зона околу местото кде што се урна авионот, кој најверојатно е соборен, изјави денеска шефот на украинската служба за безбедност Валентин Наливајченко.

Група експерти од Малезија пристигна денеска во Киев за да обезбеди помош во истрагата за боингот на малезиската компанија „Малезиан ерлајнс“ со 298 патници и членови на екипажот на територијата на источна Украина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.