Преживеале бидејќи немало место и не влегле во соборениот малезиски авион

Британската брачна двојка Бери и Изи Сим и нивното бебе избегнале да влезат во авионот на „Малезија ерлајнс“, кој вчера бил соборен од проектил на руско-украинската граница, а во кој загинале 295 лица, пишува британски „Телеграф“.

На аеродромот во Амстердам им било кажано дека нема доволно места за нив и за бебето во авионот, па семејството Сим почекало до следниот лет на КЛМ.
На прашањето како се чувствуваат што ја избегнале несреќата, Бери Сим вели:

– Имаме некое болно чувство во стомакот. Како да имаме пеперутки во него. Срцето ни чука – пренесува „Телеграф“.
– Како да имало некој кој внимава на нас и кој рекол: Не смеете да влезете на тој лет. Ги сакаме „Малезија ерлајнс“ и речиси секогаш летаме со нивните авиони – вели Изи Сим, додавајќи дека нејзиниот сопруг не сака да лета со КЛМ.
– Но, знаете што, во овој момент сме пресреќни што бевме на летот на КЛМ наместо на авионот на „Малезија ерлајнс“ – додала таа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.