Како брзо да закрепнете по раскинувањето

Неколку совети како најефикасно да се ослободите од љубовните проблеми? Престанете да бегате од нив! По раскинувањето, потребно е време за да продолжите понатаму. Но постојат мали работи што можат да го забрзаат тоа време. Еве неколку предлози.

1. Мразете го

Добро исплачете се, а потоа сетете се колку лоши работи ви направил тој и што се уште ви прави. Тагата секогаш преминува о лутина и бес, а бесот во рамнодушност, а вие не сте исклучок од тоа правило.

2. Бидете зафатени

Што сакате да правите во слободно време? Токму тоа треба да го правите уште повеќе за да се чувствувате удобно во својата кожа. Само напред!

3. Бидете друштвени

Време е конечно да отидете на кафето за кое се договарате со недели или да ја прифатите поканата за излегување. Со тоа најдобро ќе си покажете дека се уште знаете и можете да се забавувате, без оглед на тоа што него повеќе го нема во вашиот живот.

4. Ослободете се од спомените

Ако не сте за опцијата палење на се што ве потсетува на него, спомените ставете ги во кутија и сместете ја на таванот или во подрумот. Важно е да не ви се во близина и секојдневно да ве потсетуваат на она што било.

5. Излезете надвор

Овојпат мислиме на природа. Зеленилото, свежиот воздух и мирот што го носи природата се непроценливи во борба против секојдневниот стрес.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.