фото ЕПА
Украинските вооружени сили вчера успеаја „да го ослободат“ аеродромот во Луганск во источна Украина, кој беше опколен од проруски сепаратисти, соопшти кабинетот на украинскиот претседател Петро Порошенко.
– Штабот за антитерористички операции го извести претседателот Петро Порошенко дека украинските вооржуени сили при судирите стигнале до аеродромот во Луганск – соопшти претседателската палата на својот профил на „Фејсбук“.
Украинската авијација изврши напади врз силите и опремата на бунтовниците во близина на аеродромот, исто така и во околината на други околни градови, се додава во соопштението.
Аеродромот во Луганск, кој беше затворен со недели, беше под контрола на владините сили, но опколен од сепаратистите и речиси недостапен. Тој се сметаше за еден од важните одбранбени позиции на бунтовниците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
