Топ-тема деновиве во Неготино е масовното присуство на скакулци кои буквално ја „окупираа“ територијата на општина Неготино. Според сведочењето на граѓаните, скакулците ги има насекаде- по улиците, во дворовите, во домовите на граѓаните, на земјоделските површини и истите предизвкуваат вознемиреност кај населението.
Имајќи предвид дека вечерва од 23 часот па се до раните утрински часови ќе се врши прскање против комарци на територијата на општина Неготино, од Центарот за јавно здравје Велес додаваат дека ќе се употребат и препарати за уништување на скакулците, со напомена дека треба да се има предвид дека тие тешко се уништуваат,па токму затоа после 21 ден ќе биде неопходно да се изврши и второ прскање за елиминирање на скакулците. За земјоделците се препорачува користење на инсектицид со силно иницирачко контактно и дигестивно, но кратко резидуелно дејство кое е селективно за животните, но мже да делува за уништување на скакулците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
