Сунитските муџахедини од ИСИЛ регрутираат десетгодишни деца за да се борат за исламската држава во Ирак и во Сирија. Едни се пријавуваат доброволно, а многу се принудени да се борат за џихад, пишува Русија денес.
ИСИЛ зазеде голем дел од северот на Ирак, а, според процените, има меѓу 7.000 и 10.000 борци. Во Мосул, градот кој беше зазеден од исламистите пред две недели, се верува дека има стационирано околу 4.000 исламски радикали од оваа група и очајно се обидуваат да ја зголемат бројката.
Исламисти дефилираат низ провинцијата Рака во северниот дел на Ирак, 30 јуни 2014
Се регрутираат машки лица од 10 години до 30 години за да ги контролираат областите што ги зазеле, но и за да се борат на фронтовите во Ирак.
Камп за тренинг на деца за џихад во градот Ал-Биб во Сирија
Истото се случувало и во Сирија, каде што имало изградени специјални кампови за момчиња од 15 години и помлади, каде што децата се учат да ракуваат со оружје, ги учат Куранот и основите на исламот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
