Грците се една од трите нации во Европската унија чии летувања во просек траат подолго од една седмица, односно 7,5 ноќевања. Зад нив се Кипраните со 7,2 и Белгијците со 7,1 ноќевање по одмор. Просекот во ЕУ е 5,2 ноќевања.
Сепак, статистиката покажува дека просекот на Грците е намален во однос на другите години.
Според листата на нации кои најдолго летуваат, по Белгија следат Луксембург – 6,7, Италија 6,1, Холандија 6…
Со оглед на тоа дека се туристичка земја и дека голем број од нив летуваат дома, Грците се релативно ниско на листата на „трошаџии“. Просечно, нив одморот ги чини 206 евра по човек, а европскиот просек е 335 евра, потоа Луксембург 748 евра, Малта 667, Белгија 566, Австрија 564, Ирска 506 итн.
Најмалку дома остануваат жителите на Луксембург, само три отсто, а најмногу Романците, дури 95 отсто.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
