Африм Тахири, досегашниот генерален секретар на Исламската верска заедница (ИВЗ) поднесе оставка на таа функција.
„Во неможност и натаму да се занимавам и да бидам обвинуван за туѓи грешки, давам оставка од позицијата генерален Секретар на ИВЗ. Како поранешен ученик на медресата „Иса Бег“, им го честитам на сите светиот месец Рамазан и ги повикувам сите теолози да го дадат својот максимум за што подобро образование на новите генерации“, напиша во својата оставка, објавена на Фејсбук досегашниот генерален секретар на Исламската верска заедница, Африм Тахири.
Во Исламската верска заедница се изненадени од потегот на Тахири, но немаат никакви информации за ваквата негова постапка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
