Роналдо не дозволува Фалкао да дојде во Реал

Колумбискиот репрезентативец Радамел Фалкао веќе го договорил трансферот со Реал Мадрид јавија шпанските медиуми, но трансферот би можел да пропадне поради противењето на Кристијано Роналдо.

Ѕвездата на Реал не ја поддржува идејата за доведување на Колумбиецот во Мадрид и побарал раководството на клубот да ги откаже сите планови поврзани со ангажирањето на Фалкао.

Останува да се почека разврската и да се види дали големата желба на Фалкао да заигра за Реал Мадрид ќе остане неисполнета поради „ембаргото“ на Португалецот.

Инаку, Фалкао има актуелен договор со Монако, но најави предвремено напуштање на францускиот клуб. Поради повреда колумбискиот напаѓач не настапува за својата репрезентација на Мундијалот во Бразил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.