Од почетокот на годината вкупно 110.000 луѓе ја напуштиле Украина и пристигнале во Русија, но од таа бројка само 9.500 официјално побарале статус на бегалци, соопштија денеска Обединетите нации.
Според податоците на Високиот комесаријат на ОН за бегалци (УНЦХР) уште 700 дражавјани на Украина заминале за Полска, Белорусија, Чешка и Романија.
– Само минатата недела своите домови во источниот дел на Украина ги напуштиле 16.400 луѓе, наведувајќи ги како причина влошувањето на ситуацијата и стравувањата дека би можеле да бидат киднапирани, изјави портпаролот на УНЦХР, Мелиса Флеминг на прес- конференцијата во Женева.
Таа додаде дека бројот на интерно раселените во Украина порасна на 54.000 луѓе и дека таа бројка во последно време значајно се зголемува.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
