Имотот на еден од најголемите балкански наркобосови, Драгослав Космајац, се наоѓа на највисоката точка во Белград и е проценет на околу 5 милиони евра.
На површина од 6000 квадратниметри се наоѓаат неколку објекти, меѓу кои доминира дворец од 2.500 квадратни метри. Внатрешноста е скриена од очите на јавноста со бетонски ѕид со висина од над 3 метри, кој се протега по целата должина на неговиот имот.
На секој агол се поставени безбедносни камери за видеонадзор кој го покрива секој метар од улицата.
– Сите го знаеме, но не лично. Сепак, некои од соседите биле во неговата куќа. Никогаш не се експонирал премногу, па не знаевме точно што работи, иако се зборуваше дека ни тој ни жена му немале ниту еден ден работен стаж. Од соседите кои имаат влезено во неговиот дом, имам дознаено дека тоа што го виделе кај него дома, го немале видено ниту на филм. Од егзотични билки во неговиот двор, базени, спртски хали, засебни куќи од 150 квадратни мерти за оние кои ги извршувале домашните работи – објаснил неговиот сосед.
За да се дојде до замокот, прво се поминува низ градина од англиски стил, фонтани и огромен базен. Целиот амбиент не е споредлив ниту со куќите на Беверли Хилс.
– Космајац е производ на оваа држава. Очигледно е дека работел за власта, им ги полнел џебовите. Ова богатство, кое може да се види, не е ни дел од она што го поседува низ цела Ѕвездара. Станува збор за десетици илјади квадрати недвижен имот – додал неговиот сосед.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
