Најмалку 11 жртви од поплавите во Бугарија

Најмалку 11 лица загинаа во поплавите предизвикани од поројните дождови што ги зафатија севрозападните приморски делови на Бугарија, јави БТА.

Во црноморскиот град Варна животите ги загубија десет лица, а три се водат како исчезнати. Бугарскиот министер за внатрешни работи, Цветелин Јовчев, соопшти дека меѓу загинатите има и две деца.

Јовчев нагласи дека ситуацијата со поплавите во Бугарија постепено се стабилизира, но дека и натаму останува критична.

Спасувачките екипи работат во сите поплавени подрачја, а експертите сѐ уште ја проценуваат состојбата која за сега има трагични последици, нагласи Јовчев.

Делови на Бугарија последниве денови се зафатени од поројни дождови и град, кои предизвикаа и повеќе дефекти во електропреносниот систем поради што илјадници лица остнаа без електрична енергија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.