„Средба на првиот со најдобрите“ – Коце Трајановски ги награди најдобрите средношколци

Денеска во Драмскиот театар во Скопје, под покровителство на градоначалникот на град Скопје, Коце Трајановски, а во организација на Дирекцијата за култура и уметност на Скопје, се одржа традиционалната манифестација „Средба на првиот со најдобрите“.

На оваа средба, градоначалникот на град Скопје, господин Коце Трајановски, на 24 матуранти првенци на генерацијата од 21 скопско средно училиште им врачи специјални признанија и парични награди во висина од 20.000 денари.

– Практиката покажува дека секој млад човек, кој бил првенец на својата генерација, гради успешна иднина и достигнува врвни резултати на патот на својот професионален развој. Вие веќе сте ја осознале најголемата вредност и потврда за човековиот развој, а тоа е учењето и знаењето. Најважниот мотив и инспирација за создавање и творење во животот произлегува од задоволството кое го наоѓаме во учењето и работата, во резултатите од нив, како и во значењето на тие резултати за нас и општеството. Ценам дека најважната задача на секоја образовна институција е кај вас, учениците да ги развиваат и јакнат благородните творечки и креативни сили. Тоа е патот до најголемиот дар и признание што човек може да го поседува, а тоа е знаењето – истакна градоначалникот Трајановски.

Програмата ја збогатија Димитар Андоновски и Симона Поповска – добитничка на наградата за најдобар дебитант на фестивалот „Макфест 2014“.

Добитници на награди и признанијa се:

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.