Несреќата се случила утрово во 7.30 часот, при што автобус на „Евротурс“ од Гостивар кој сообраќал на релација Скопје-Тетово во непосредна близина на наплатната рампа во Желино, возачот изгубил контрола над возилото, излетал од коловозот и удрил во земјаниот насип покрај патот.
Од ударот со повреди се здобиле пет лица, тројца од Тетово и двајца од Скопје, како и возачот, кои веднаш биле пренесени во тетовската Клиничка болница, пренесува Телеграф.мк.
Повредите на патниците се со полесен карактер и тие се пуштени на домашно лекување, додека возачот е задржан поради понатамошно следење на неговата состојба.
Полицијата извршила увид на местото на несреќата и работи на утврдување на причините за нејзиното настанување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
