Бурата не ги сопре Тајзи и Слаткаристика

Во саботата, на 14 јуни, на ракометното игралиште во Битола се одржа првиот „Beat event #1“. Главни ликови за одличната атмосфера вечерта беа Слатакаристика и Тајзи, кои секогаш се добро пречекани од битолчани.

И покрај лошото време и обилните врнежи од дожд пред почетокот, на ова музичко случување дојдоа повеќе од 2.000 луѓе кои уживаа од почеток до крајот на првиот „Beat Event“.

Настанот започна со диџеј Андреј Ѓошев, продолжи со диџеј Че и Аце НЛ, за да следуваат Тајзи и Слаткаристика. „Beat Event“ заврши во 01:00 по полноќ со атрактивното, електронско дуо „Future Inc“.

Слткаристика, премиерно пред битолчани го изведе и неговиот нов сингл „Дими џам” на која му гостуваат Тајзи и Ферус Мустафов, а истиот официјално заедно со видеоспот ќе излезе во текот на другата недела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.