Претседателот на Индонезија Сусило Бамбанг Јудхoјоно, на четири месеци пред заминување од функцијата, потпиша указ со кoj, тој и сегашниот потпретседател за финансирање на нивното домување и активности ќе имаат неограничен пристап кон буџетските средства.
Одлуката, според весникот „Џакарта Пост“, е во спротивност со указот на Јудхoјоно од минатиот месец, со која драстично се намалени буџетите на 86 министерства и владини институции и агенции.
Според досегашните прописи, по заминувањето од функцијата претседателот и потпретседателот на Индонезија имаа право за оддржување на приватното живеалиште и активностите, од државата да добиваат по 20 милијарди рупии, односно 1,7 милион долари.
Јудхoјoно ја искористи одредбата на прописот која на претседателот по мандатот му се обезбедува „пристоен дом и обезбедување“. Тоа за индонезиски прилики е многу растеглив поим, бидејќи во земјата е пракса и средно стоечките бизнисмени да имаат дворци со базени и спортски игралишта, што ги опслужуваат и чуваат над 500 луѓе.
Медиумите во Џакарта денеска објавија дека сегашниот претседател ги користел прописите и праксата. Пред него, до 2004 година претседател на Индонезија беше Мегавати Сукарнопутри, ќерка на Сукарно, која од државни средства по заминувањето од функцијата си изгради резиденцијален комплекс во предградие на главниот град.
Искористувањето на буџетски средства по заминување од функцијата претседател имаше и во случајот на долгогодишниот шеф на државата Сухарто. Неговиот наследник, генералот Хабиби со личен декрет му определи 20 милијарди рупии за нов дом, но под притисок на протестите, Сухарто ги врати парите.
Изборите за нов претседател на Индонезија ќе се оддржат на 9 јули. Сегашниот претседател нема право да се кандидира за нов петгодишен мандат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
