Кривичниот суд по признавањето на вината, уште на првото рочиште пресуди две условни и една затворска казна од шест месеци, за тројца од петте сторители во првата група обвинети за немирите во Ѓорче Петров, објави Канал 5.
Двајца од обвинетите кои ја признаа вината добија условни казни, а третиот сторител добил затворска казна, бидејќи претходно бил осудуван. Сите тројца се пуштени од притвор, а за лицето кое е изречена затворска казна се гарантира со патна исправа.
Петте учесници се товарат за кривичното дело Учествување во толпа кое спречува службено лице во извршување на своите обврски, за што според Казнениот закон на Република Македонија следува затворска казна од 3 месеци до 3 години.
Во немирите кои се случија во Ѓорче Петров, по убиството на матурантот Ангел, министерството за внатрешни работи поднесе дваестина кривични пријави. Во последната група кривични пријави беа поднесени на осомничените за каменување на автобуси, демолирање на објекти на главната улица во Ѓорче Петров, меѓу кои и казиното „Сенатор“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
