Грција не учествува на самитот во Лондон поради Македонија

Претствници на Грција не присуствуваат на Глобалниот самит за запирање на сексуалното насилство за време на конфликт во Лондон, затоа што нашата земја учествува под името Македонија.

Актерката и амбасадорка на канцеларијата на високиот комесаријат за бегалци на Обединетите нации (УНХЦР) Анџелина Џоли и британскиот министер за надворешни работи, Вилијам Хејг, се домаќини на четиридневниот самит на кој присуствуваат претставници од над 140 држави од светот, меѓу кои и шефот на македонската дипломатија Никола Попоски.

Иако на самитот нема грчки претставник, локалните медиуми јавуваат за случувањата во Лондон, констатирајќи дека грчкото не присуство е голем пропуст, јави дописникот на МИА од Атина.
Во својот говор на отворањето на самиот, Џоли истакна дека силувањето се користи како воено оружје при што најголем дел од насилниците не се казнуваат и ги повика светските лидери да се обединат и да преземат мерки против силувањата и сексуалното насилство за време на конфликти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.