Претседателот на Казахстан, Нурсултан Назарбајев, упати покана до турскиот претседател Абдула Ѓул за Турција да се приклучи кон Евроазискиот економски сојуз и официјално да ги почне евроазиските интеграции.
Назарбаев и Ѓул имале средба во Бодрум за време на конференцијата на Советот на земји од турско говорно подрачје, која се одржа на 5 и 6 јуни во Турција.
Претседателот на Казахстан изјавил дека Турција треба да се приклучи кон Евроазискиот економкси сојуз и така да го почне процесот на приклучување на други земји во кои живее турски народ. Назарбаев е еден од највлијателните авторитети во евроазиските интеграции, а и самиот Путин го нарекува „татко“ на актуелниот процес затоа што уште во деведесеттите години од минатиот век предлагал концепт на обединување на евроазиските земји.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
