Градската плажа, во должина од 500 метри, од новите содржини ќе добие главен сервисен пункт и два помошни шанка, три нови тоалети, нови лежалки, санитарни јазли и шест спортски терени за мал фудбал, тенис и за одбојка на плажа.
Проектот за уредување на плажите во Дојран чини 1,5 милион евра што ги обезбеди Владата на РМ преку Министерството за транспорт и врски.
Според градоначалникот Борче Стамов, тоа е еден од поголемите реализирани проекти во овој туристички центар.
– Покрај Градската плажа, на која е ставен акцент, се уредува и плажата на влезот во Стар Дојран, во должина од 100 метри. Доколку сѐ оди според предвидената динамика, градежните работи е планирано да завршат до втората половина на јуни, така што се надеваме дека реализацијата на проектот ќе ги поттикне и приватните концесионери да ги подобрат условите за престој на туристите на нивните плажи – изјави Стамов.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
