Македонците се едни од најрелигиозните нации, а Словенците се на дното на листата во регионот покажа Галуповото истражување за важноста на религијата во животот на човекот.
Според анкета на Галуп интернешнал, религијата во светот покажува дека на Балканот најмалку се држат до верата во Словенија и во Црна Гора.
Во Словенија 52,5 отсто анкетирани тврдат дека религијата не им значи ништо во животот, а во Црна Гора таков одговор дале 48 отсто анкетирани. Таа цифра во Србија е 46,5 отсто.
Во Хрватска 30 отсто тврдат дека религијата нема значење за нив, во БиХ 29,5 отсто додека религијата без значење е и за 29,5 отсто од Грците. Во Кипар не даваат значење на религијата 24,5 отсто, во Македонија 20,5 отсто и во Турција само 9,5 отсто.
Во светски рамки најмногу „неверници“ има во Шведска (83 отсто).
Заклучокот на Галуп е дека колку една држава е поразвиена, толку помало е значење за нејзините граѓани има религијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
