Реприза од лани, Сан Антонио против Мајами за титулата во НБА

Сан Антонио забележа клучна победа од 112-107 на гости против Оклахома и ја доби финалната серија во Западната конференција со 4-2. Мечот беше решен по продолжение, откако во регуларниот дел натпреварот заврши нерешено, 101-101.

Во дополнителното време „мамузите“ беа подобри за 5 поени и си закажаа ново НБА финале со шампионот Мајами хит. Лани загубија во битката за трофејот во 7 меча, што им е еединствен неуспех во петте финални серии за пехарот.

Борис Дија постигна рекордни за него сезонава 26 поени, а Кавај Ленард имаше 17 поени, а Ману Џинобили уфрли 15 поени. Кај Оклахома Расел Вестбрук беше најефикасен со 34 поени, додека Кевин Дурент забележа 31 поен.

Финалната серија ќе почне на 5 јуни, а Сан Антонио ја има предноста да игра еден меч повеќе на домашен терен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.