Индијана пејсерс не се предава и со победа од 93-90 се избори за шести меч во финалната плејоф серија во Источната конференција против Мајами хит. Шампионот се уште има предност, сега со 3-2 во победи.
Пол Џорџ имаше лош старт и блескав финиш, а мечот го заврши со 37 поени, 21 од нив во третиот период. На спротивната страна Леброн Џејмс кај Хит одигра скромни 24 минути поради проблем со личните грешки, Двејн Вејд не беше на посакуваното ниво, па логичен исход е пораз на Мајами.
Пејсерс успеаја барем малку да ги потсопрат шампионите на патот кон четвртиот едноподруго пласман во финалето во НБА. Покрај Џорџ, расположени за игра кај домашниот тим беа и Дејвид Вест со 19 поени и 9 скока, Ленс Стивенсон даде 12 поени, а Рој Хиберт оствари дабл-дабл со 10 поени и 13 скока.
Кај Мајами Џејмс постигна само 7 поени, а Крис Бош бепе најефикасен со 20 поени, пред Вејд кој уфрли 18.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
