Старите мобилни се продаваат по цена од 1.000 долари

Доколку имате стар мобилен телефон, чувајте го, бидејќи се враќаат на „голема врата“, затоа што корисниците очигледно копнеат за едноставна техника.

Побарувачката за стари телефони е толкава, така што некои модели на „Нокиа“, „Ериксон“ и „Моторола“ сега достигнуваат цена и до 1.000 евра за примерок.

Иако им недостасуваат современите предности, овие ретро телефони се едноставни за употреба, имаат батерии кои траат и по цела недела и практично се неуништиви во споредба со „смарт“ конкуренцијата.

– Некои луѓе без размислување одвојуваат и по 1.000 евра за стар модел. Високите цени се последица на тоа што такви модели тешко може да се најдат – вели Џасем Хадад, основачот на интернет страната „vintagemobile.fr“.

На пример, „Нокиа 88000“ моментално се продава по цена од 1.000 евра на неговата интернет страна.

Во текот на последните две-три години неговата компанија продала околу 10.000 телефони, а најмногу на почетокот на 2013-та.

Меѓу најпродаваните модели е „Нокиа 8210“ со мал екран и пластични копчиња кој чини 59,99 евра.

– Постарите луѓе бараат едноставни телефони, додека на другите им е важно да имаат нешто евтино – изјави Хадад.

Иронично, трендот е во пораст токму во време кога индустријата повикува за рециклирање на овие уреди, а смартфоните стануваат се понапредни.

Исто така, еден дел од луѓето се свртуваат кон овие модели, бидејќи тие се преплавени од средствата за комуникации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.