Мистериозна епидемија го зафатила градот Красногорск во Казахстан, односно во изминатата година во бранови се појавува епидемија на болест на спиење.
Луѓето што се разболуваат спијат и по шест дена. Никој не знае зошто. Досега се појавија неколку бранови од епидемијата, од кои првиот во март минатата година, а последниот сега, во мај. Со болеста спиење биле заразени околу 60 лица, кои откако ќе се разбудат имале привремено губење на помнењето.
Една од жртвите е и Марија Фелк, од селото Калачи во Красногорск.
– Ги молзев кравите како и секое утро и само заспав. Не се сеќавам на ништо, освен дека се разбудив во болница опкружена со лекари и медицински сестри – рече Фелк.
Досега на подрачјето на Красногорск се направени повеќе од седум илјади тестирања на почвата и на водата за да се пронајде причината на оваа болест, но стручњаците и понатаму не можат да ги најдат причините за оваа болест.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
