На четвртото издание на музичкиот фестивал „Здраво млади“ кој ќе се одржи в петок, на 23 мај во Младинскиот културен центар (МКЦ) ќе се избира најдобар танцувач.
Победникот ќе добие специјална награда – велоспиед од „Skopje Fixie“. На оваа мини сцена, за добрата музика ќе се погрижат DJ Гоце (САФ) и Џака. Специјални гости кои ќе придонесат кон кршење на мразот и оценување на натпреварувачите се брејкденсерите Екзарка Слепвалингз и Јаница Станкева. од Бугарија.
На главната сцена на отворено пред МКЦ, ќе настапат победниците на средношколскиот промо ден, „Equinox“ TRUS!, Фонија , The Soft Moon , „Дисциплин-А-Кичме“ и „„Чк-чк-чк“.
Оваа година, фестивалот „Здраво Млади“ оствари соработка и со еден од најголемите европски фестивали – „Сигет Фестивал“каде оние кои учествуваат во наградата игра можат да добијат две неделни влезници со кампување на овој фестивал.
Билетите се во продажба по цена од 600 денари во МКЦ, 1/2 Југотон и Југотон. За оние кои ќе купат 4 билети оддеднаш, следува еден гратис “„другарски” билет само на билетарата на МКЦ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
