Скопје е втор најевтин град во Европа покажа истражувањето „Трошоци за живот“ кое го спроведе компанијата „Нумбео“ за 2014. Единствено, поевтино во Европа се јаде во Кишињев, главниот град на Молдавија, а македонската престолнина е на второто место на листата на најевтините градови во Европа. Според податоците на „Нумбео“ ручек или вечера во ресторан во Скопје чинат 4,50 долари, а изнајмување на стан со една спална соба во центарот на Скопје чини 325 долари.
Листа на 10 најевтини градови за живот во Европа
1 . Кишињев, Молдавија: Главниот град на Молдавија е најевтиниот град во Европа. Киријата на еднособен стан во центарот чини 265 долари месечно, а во другите населби дури 165 долари. Вечера за двајца во ресторан чини 22 долари. Населението брои 800 600 лица. Тука има многу студенти и 33 универзитети! За учење тука, ќе ве чини околу 81 проценти помалку отколку ако учите во Париз.
2 . Скопје, Македонија Ручек / вечера во ресторан за двајца чинат во просек 45 долари. Изнајмување на еднособен стан излегува околу 325 долари месечно во центарот на градот, според „Нумбео“.
3 . Киев, Украина Во моментов Киев не е добро место за релокација. Не е изненадување дека украинската престолнина е на третото место во рангирањето. Изнајмување на еднособен стан е 330 долари. Платите се ниски – во просек 478 долари месечно, но и цените не се високи.
4 . Софија, Бугарија Киријата на еднособен стан во центарот на градот е 380 долари, наведуваат од „Нумбео“. Во градот живеат 1. 241. 369 лица. Околу Софија има планини за прекрасни излети за време на викендот. Шише вино чини 5 долари, а едно пиво чини еден долар. Просечната плата е 603 долари месечно.
5 . Минск, Белорусија Во Белоруската престолнина живеат над 2 милиони луѓе. Киријата за еднособен стан во центарот е 380 долари. Кутија цигари чини 2.71 долари. Во градот има многу музеи, кина и библиотеки. Единствениот минус е дека времето е доста студено. Во летото е 18 степени, а просечната температура за јануари е -4.5 степени.
6 . Тирана, Албанија Просечното изнајмување во централните делови е 380 долари за стан со една спална. Месечната карта за градски превоз чини само 14 долари. Ручек во ресторан чини околу 7 долари. Тирана е од малите метрополи – населението има едвај 421 286 лица. Таа е опкружена со ридови и планини на исток, и нејзините граѓани можат да уживаат во убавата природа. Во градот има четири вештачки езера.
7 . Букурешт, Романија Букурешт е главен град на Романија од 1862 година. Тоа е шестиот најголем град во Европа по население, и отстапува само на Париз, Лондон, Берлин, Мадрид и Рим. Во центарот на градот еднособен стан чини 440 долари месечно. Во ресторан средна класа вечера чини 6 долари. Карта за градскиот транспорт за месец чини 15 долари. Невработеноста е релативно ниска – 7,3 проценти. Просечната плата е 400 долари.
8 . Сараево, Босна и Херцеговина Ниската цената на имотите се многу атрактивни – просечната цена на еднособен стан е 320 долари месечно во центарот и 185 долари во далечните населби. Градот е туристичка дестинација. Невработеноста е 15 отсто.
9 . Прага, Чешка – Прага е историската престолнина на Бохемија. Тука има 10 големи музеи, различни театри, галерии, кина и историски знаменитости, кои може да ги видите. Еднособен стан чини во просек 617 долари, а во предградијата цените паѓаат до 440 долари. Ручекот во ресторан чини околу 5 долари, локалното пиво е 75 центи.
10 . Варшава, Полска – Храната е многу евтина, како и цигарите и алкохолот. Кутија цигари е 4,50 долари, што за западните стандарди е ужасно ниско. Изнајмувањето на стан во центарот чини во просек 488 долари. Тоа е универзитетски град со околу 270 000 студенти. Градот има многу историски и културни знаменитости. Невработеноста е висока – 13,3 проценти, што значи дека околу два милиони Полјаци немаат работа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
