Мајами хит и Сан Антонио спарс водат со по 2-0 против Бруклин, односно Портланд и сигурно чекорат кон конференциските финалиња.
Актуелниот шампион Мајами со 94-82 пак го победи Бруклин, а повторно триото Џејмс, Бош и Вејд се истакна со вкупен ефект од 54 поени. Мирза Телетовиќ на спротивната страна влезе во шутерски ритам, постигна шест тројки од девет обиди и даде 20 поени, но немаше расположени соиграчи за подвиг.
Мајами ги загуби сите 4 дуели од Нетс во регуларниот дел, но победува кога е најважно во плејофот.
И Сан Антонио фати победнички ритам и го нанижа третиот триумф во доигрувањето, втор против Портланд. Спарс победнички ја завршија серијата со Далас и продолжија успешно со две победи над Портланд. Кавај Ленард со 20 поени беше најефикасен кај мамузите, а во таборот на Портланд се истакна Николас Батум со 21 поен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
