Театарот за деца и младинци ќе добие нов лик

Театарот за деца и младинци ќе се реконструира и ќе добие комплетно нов лик. Идејниот проект се очекува до 10 јуни, за потоа да биде објавен тендер за избор на фирма што ќе проектира просторот и фирма што ќе го реновира.

Според министерката за култура Елизабета Камчевска Милевска, целосната реконструкција на објектот во кој е сместен еден од најнаградуваните театри во нашата земја треба да биде завршена до септември в година.

Директорот на театарот Драган Довлев изрази голема благодарност до Министерството за култура, истакнувајќи дека театарот, кој е во овој простор цели 16 години, со самата реконструкција ќе добие освежување, како за вработените, така и за публиката.

Од Министерството за култура најавија дека театарот ќе добие и современа сценска опрема. Просторот има 30 квадратни метри со 123 седишта во партер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.