Актерката Весна Бејби Петрушевска по три и пол години пауза, од вчера повторно на ТВ екраните. Весна стартуваше со новото ТВ шоу “Вечер со Весна”, во продукција на “Томато”, кое се емитува на телевизија Алфа.
“Се работи за ток-шоу по теркот на светските, со мала најава, стенд-ап, гости и бенд. Но интервјуто ќе биде нешто што сите сакале да прашаат, а не чуле одговор. Ја загубивме сцената, јавните ликови се претопија во безлична маса. Заборавивме да се смееме. Сите се на социјални мрежи, станавме воајери на туѓите животи, секој за секого има нешто да каже. Полека, но сигурно го изгубивме ТВ компасот и публиката. Сите нешто најавуваат спектакли, чудесии. Телевизијата е медиум каде што креативноста, досетливоста и доследноста те прави ѕвезда, а не формата”, објаснува Весна за Вест за нејзиното враќање на ТВ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
