За многумина ова беше продолжен викенд кој што беше искористен за патување. Од АМСМ јавуваат дека сите државни патишта во Македонија се одвива без забрани и застои, по наместа влажни коловози. Интензитетот на сообраќај на патните правци надвор од градските средини е умерен. На граничните премини нема подолготрајни задржувања за влез и за излез од државата.
Забрана за товарни возила и за автобуси има на патниот правец Кратово – Пробиштип. Заради обилните врнежи, на околу 100 метри за излез од Кратово, оштетена е една коловозна лента. Сообраќајот за патнички моторни возила се одвива наизменично.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
